Cada encargo de vivenda parte dunha lectura previa do lugar e do cliente: o solar ou o edificio existente, o programa de necesidades, o orzamento dispoñible e o planeamento urbanístico que lle sexa de aplicación. A partir dese análise defínese a proposta, xa se trate dunha vivenda unifamiliar de obra nova, unha ampliación sobre unha construción existente ou unha reforma integral que cambia o uso ou a distribución da vivenda. Cando o encargo inclúe interiorismo, este desenvólvese de xeito coordinado co proxecto de arquitectura dende o principio, e non como un engadido posterior, de xeito que a carpintaría, a iluminación e o mobiliario respondan á mesma lóxica espacial e construtiva.
Como traballamos
Tras unha primeira visita e a toma de datos do solar ou da vivenda existente, redáctase un anteproxecto coa proposta de distribución, volumetría e imaxe exterior, que se revisa co cliente antes de continuar. Aprobada esa fase, desenvólvese o proxecto básico e de execución necesario para obter a licenza municipal, xunto coa definición construtiva, de instalacións e de acabados. Nos proxectos de interiorismo incorpórase ademais a documentación de mobiliario, carpintaría a medida e iluminación.
Que inclúe o encargo
- Vivenda unifamiliar de obra nova
- Ampliacións, reformas integrais e interiorismo
- Locais comerciais e pequena edificación industrial ou agrícola
- Anteproxecto e estudo previo de viabilidade
- Proxecto básico e de execución conforme ao Código Técnico da Edificación (CTE) e ao planeamento urbanístico municipal